Plantun de Prouvènço

Pèr coumpara dos planto d'encò nostre

Fallopia dumetorum & Typha minima

Fallopia dumetorum

Polygonaceae

Nom en français : Renouée des haies.

Descripcioun :
La tirasseto-de-bartas trachis dins li fourèst de ribiero (ripilsivo). Es uno longo liano que pòu faire fin qu'à 3 mètre de long e que tirasso au sòu. Li tepalo di flour an de largis alo (>0,5 mm). Li fru pendoulon lou plus souvènt, e porton de valvo emé d'alo largo peréu, blanco, que laisson passa un pau lou lume. Li grano (akène) soun negro e lusènto un cop maduro.

Usanço :
Coume pèr sa cousino, la courrejolo-negro, li grano soun estado manjado desempièi lou neoliti. Soun tèndro e farinouso emé un goust agradiéu.

Port : Liano
Taio : 0,5 à 2(4) m
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Fallopia
Famiho : Polygonaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 2 mm
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Termoumediterran à Mountagnard
Couroulougi : Éurosiberiano
Ref. sc. : Fallopia dumetorum (L.) Holub, 1971 (= Polygonum dumetorum L., 1753 )

Fielouso(-pichoto)

Typha minima

Typhaceae

Àutri noum : Filouso, Sagno, Masseto.

Noms en français : Petite Massette, Petite Quenouille.

Descripcioun :
Aquesto fielouso èi la mai pichoto que i'ague au nostre. Trachis sus li limas de ribiero de bras mort. Se recounèis à si fueio estrecho que rèston contro la cambo. Lis enflourejado femello fan de 1 à 5 cm.

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.